BUTODA KAN BUYO MUYA NIN PAGBABAGO

BUTODA President, Ariel Dagsil

Pigrereklamo kan Presidente kan BUTODA na si Ariel Dagsil an kakulangan nin aksyon kan mga awtoridad Manito sa laganap na pagpasada kan mga tricycle na daeng lisensya asin warang prangkisa.

Sabi niya sa sarong interview “Nagdadakop man kuta ang mga ini para pagkatapos wara man na pigigibo. Nag-uurulok sana daa an mga driver na nagkakadarakop.”

“1995 pa may ordinansa nang pigbabawal magbiyahe ang warang lisensya buda prangkisa pero dae man naipapatupad. Dae ko aram kung ang problema ay sa pulis o sa komite kan transportasyon.” Muya niya ining maipatupad ta nganing magkaigwa nin disiplina ang mga driver sa satuyang lugar.

Muya niya na magkaigwa nin ngipon ang batas satuya na magkaigwa nin karampatang padusa ang mga magkakadarakop. Halimbawa, ang pag-multa o ang pagkaka-impound kan mga tricycle na pigpapasada ninda.

“Dakol an gustong sumunod sa batas trapiko kaso sinda (ang mga nasa awtoridad) ang dae nagsusunod. Kaya may mga iba diyan na dae na ginanahan magsunod. Nagbubuwis ka sa gobyerno, dae man napaparusahan ang dae nagsusunod.”

Dagdag pa ni Dagsil, “Dapat ang priority ninda (ang mga nasa awtoridad) ang mga nagbabayad ki buwis buda prangkisa.”

Nangako daa an Komite nin Transportasyon na babaguhon ang gabos puon sa maaging Oktubre 1.

-Nerissa C. Daen at Vicente Padilla Jr.
September 26, 2016