Duwang motor nagbanggaan, sarong drayber gadan

Mga tawong nag-iiling sa nagadan sa aksidente na  si Abner Buelbo, drayber kan sarong motorsiklo.                          

Photo credit: Viamhel Zepeda

             Duwang motorsiklo ang nagbanggaan sa Purok 2 Brgy. Pawa kan Hulyo 7, 2019 bandang 4:35 nin hapon.

Segun sa spot report kan mga pulis, sarong Blue Rusi na pigmamaneho ni Carlo Datu kaiba si Jerry Datu, parehas taga-Cavit buda sarong Black and Blue Honda XRM na pigmamaneho ni  Abner Buelbo kaiba si Ronnie Briones, parehas taga-It-Ba an nasabing nagbanggaan.

Hale sa Poblacion pasiring sa Cavit ang tigmamaneho ni Carlo Datu buda haleng Hologan pasiring sa It-Ba an tigmamaneho ni Abner Buelbo. Segun kay PEMS Vicente K. Naira Jr., “Base sa report, nagslide ang pigmamaneho nitong si Abner Buelbo.”

Dagdag pa niya, buhay ang dyaber kan Blue Rusi asin tigdeklara kan doktor na dead on arrival an drayber kan XRM na si Abner Buelbo.

—Mark Jhon Francis Rebullar buda Marlon Balictar
--Manito's Time, July 10, 2019