Kayak Boating ipig-introdusir sa Muladbucad

Kayak boating, bagong atraksyon sa Muladbucad White Beach.

Photo: Hale sa Facebook post kan  Muladbucad White Beach.

            Kasunod kang paglangkaw kang entrance fee, iyo an pag-introdusir kang limang kayak na bagong atraksyon sa beach. Nagkaigwa nin pag-blessing kaini asin libreng paggamit  sa mga dayong nataon na nagkarigus duman.

                

                 Ang limang kayak na ini pagsadiri ni Jessie Dawal, co-owner kan beach. Dai pa ini open para sa mga dayo na gamitun ta kaipuhan pa kaining business permit, rules and regulations asin mga requirements list para sa mga magamit kaini.

                Sigun kay Cris Asaytuno, saro sa mga co-owners kan nasabing beach, “Wara pa akong idea sa price ta so tag-sadiri nasa Manila pa. Piglalakaw niya pa ang permit kaan...Baka this April magpuon na mag-operate ini.”

Ang kada sarong kayak makakasakay sana ki duwa katawo. Segun kay Gng. Annie Dawal “Dapat may valid I. D. saka marunong sumakay ibig sabihin marunong lumangoy.”

                 Para sa iba pang developments kang beach, nagkaag nang kaputan na maalalay sa paglugsot sa alanganing parte kan dalan pa-Muladbucad. Nagbugtak man ki mga streetlights buda mga ilaw pa sa gilid kang dagat sagkod sa karigusan.

                Mensahe ni Gng.  Dawal sa mga muya mag-dayo o madayo pa sa Muladbucad, “Yung mga puputa dito, wag nang magdalawang isip dahil makakasiguro sila na sulit ang pagpunta nila rito.”

Libreng paggamit kan kayak sa mga nagkararigos sa Muladbucad.
Photo:Hale sa Facebook post kan  Muladbucad White Beach.

Limang bagong kayak sa Muladbucad White Beach.
Photo:Hale sa Facebook post kan  Muladbucad White Beach.

--Resa Joy Domingo