Manito Fitness Gym nagpuon nang mag-operate

Manito Fitness Gym sa Purok-6, It-Ba, Manito, Albay buda an mga equipment na pwede gamiton sa kada session. 

Photo: Shem Viñas

                           Nagbukas na ang Manito Fitness Gym kan Hulyo 18, 2018. Pagsadiri ini ni Anthony Guevarra kan Parong, Manito, Albay .  Maiiling ini sa Purok-6, It-Ba, Manito, Albay.

           Ang Fitness Gym na ini bukas na alas 8:00 nin aga sagkod alas 9:00 nin banggi puon Lunes  sagkod Dominggo. Para sa mga edad 18 pataas, ₱45 ang sarong session kaini, ₱40 sa mga estudyante asin ₱850 sa mga muya ki monthly session. Ang sarong session igwa ki maximum na tulong (3) oras asin pwede nang magamit ang mga equipment na pwede sa kung ano ang pigwo-work out mo. Igwa man giraray ini ki giya kan Gym Instructor.

Sigun kay Efren Dado, Gym Instructor, “Ang purpose ta digdi bako lang baga magpagayon ki lawas kundi magpaali ning mga bisyo.” Dagdag pa niya “Ang primerong pipaali mi digdi iyo ang pagsigarilyo, dai baling mag-inom  basta limitado lang baga ...”. 

Manito Fitness Gym na pagsadiri ni Anthony Guevarra na maiiiling sa Purok-6, It-Ba, Manito, Albay.
Photo Credit: Shem Vinas

-Jessica Arborilla Fuellas, Shem Vinas, 

Jason Dasalla, Michael Legaspi 

buda Salvacion Daria