Budiao Church: Isang Bagong Tuklas sa Albay

                  

 Mga miyembro kan UP Archaeological Team na nagkalot sa Budiao Church asin naglalain-lain kan mga nakuang sample kan daga na ali sa baha  buda ali sa lahar. Photo: Ramon Eugene Daen

                 Sarong maugmang experyensiya an mailing an aktwal na pagkalot kan mga tadang parte kan simbahan kan Budiao asin an pag-aram sa sikreto na nakatago sa taong 1814.     May0 18, 2018, nagpasiring an Manito’s Time sa Brgy. Bañadero, Daraga, Albay ta nganing  mailing ang pagkalot kan University of the Philippines (UP) Archaeological Team sa mga natadang parte kan Budiao Church.

                  Sarong magayon asin nakakagirabong taon palan ang 1814. Sa tabang ni Mr. Angel Recto asin kan saiyang agom na si Mrs. Eva Recto, mag-agom na Archeologist na ali pa sa Manila kaiba man ang saindang mga estudyante, mas naging malinaw paq an istorya kan nasabing taon. Ang Budiao Ruins sa Budiao, Daraga, Albay an tigtutubudang saro sa mga nailubong sa iraraom kan daga huli kang pagsabog kang Bulkang Mayon kang taong 1814.

Saro sa mga trenches na nakalot na tigkagan ki mga gihoy para maaraman kung pirang taon nang nakalubog an simbahan kan Budiao. An sarong linya kan gihoy katumbas ki sarong taon. An lalaki sa gilid na may kapot na camera iyo si

Mr. Angel Recto, Project Manager kan proyekto.

Photo credit: Ramon Eugene Daen

Segun kay Mr. Recto, Project Manager kan nasabing proyekto, “The best ito. First in the Philippines, ito ang yaman ng Albay!” Sabi niya pa, ang Budiao Ruins na ini na dating simbahan sa Budiao, Daraga, Albay ay saro sanang visita kan Cagsawa. Tig-i-isip ninda na ining Budiao Ruins dakula, na pwedeng may posibilidad daa na mas dakula pa ang Cagsawa Ruins. Poon sa pag-abot ninda duman sa lugar, limang trenches na daa ang saindang nabuksan pero dai pa ninda naaanap ang belfry o ang bagtingan kan simbahan buda façade o ang ampangan kaini. Pati naman ang flooring kan nasabing simbahan na talaga mang tig-aabangan kang gabos kung sain ini gibo. Ngunyan, ang simbahang ini napapaligidan nin magagayon asin darakulang kahoy na pwedeng buminunga na sana sa laog mismo kan simbahan, marhay na bagay man ngani ta ini saro man na proteksyon kang nasabing lugar.

Sabi pa kan mag-agom, tigtutubudan ninda base naman sa saindang mga pag-aadal na ang simbahang ini kan Budiao sa sarong halipot na panahon sana nabuhay kan ini daa natakluban nin daga kaiba an dai pa matukoy na bilang kan tawo na yaon digdi. Tigsasabi kan mag-agom na ang pag-aadal asin pagkalot daa nindang ini dakol an saindang mga nagka-araraman tungkol sa nakatagong istorya asin mga magagayon na bagay sa Budiao Ruins. Pero, dai man ninda tiglilingawan so katotohanan na dakol pang mga kaipuhang diskubrehon digdi.

Ang Budiao Ruins daa utrong kakaluton sa sunod na taon pag bako na masyadong mauran. Ining Budiao Ruins kapag mas naingatan asin napagayon pa pwedeng makadagdag sa mga tourist spots digdi sa Albay.

Inot na trench na tigkalot na tig basehan kun sain maiiling an facade o an ampangan kan simbahan.
Photo credit: Maria Edeliza An.

Saro sa mga trenches na tigkalot para maaraman kung gurano kaalangkaw an simbahan puon sa atop hanggang sa pinakaflooring kaini. Maiiling man an saro sa mga bintana kan simbahan.
Photo credit: Maria Edeliza An

--Ma. Edeliza An buda Mark John Francis Rebullar